සටහන: සශිකලා මධුෂාණි
ඔක්තෝබර් 03; ලෝකය(අවුට්බවුන්ඩ් ටුඩේ) : ගතවුණු පැය 24තුළ ඊශ්‍රයලය මධ්‍යම බීරූට් වෙත එල්ල කරන ලද ප්‍රහාර හේතුවෙන් පුද්ගලයන් 46 දෙනෙකු මිය ගොස් 85 දෙනෙකු තුවාල ලබා ඇති බව එරට සෞඛ්‍ය අමාත්‍යංශය තහවුරු කර තිබේ.
මේ වන විට හිස්බුල්ලා සටන්කාමීන් සහ ඊශ්‍රායල හමුදා දකුණු ලෙබනනයේ දරුණු සටන්වල නියැලෙමින් සිටින අතර මේ සම්බන්ධයෙන් ඊශ්‍රායලය තහවුරු කළේ මෙම සමීප සටන්වලදී අවම වශයෙන් එහි සොල්දාදුවන් අට දෙනෙකුවත් මිය ගොස් ඇති බවයි.
මිට අමතරව හමාස් නායක ඉස්මයිල් හනියේ සහ හිස්බුල්ලා නායක හසන් නස්රල්ලා ඇතුළු ප්‍රධාන ඉරාන මිත්‍ර පුද්ගලයින් ඝාතනයට ප්‍රතිචාර වශයෙන් ඊශ්‍රායල හමුදා ස්ථාන වෙත ටෙහෙරානය එල්ල කළ මිසයිල ප්‍රහාරයට ප්‍රතිචාර වශයෙන් විශ්ලේෂකයින් අනතුරු ඇඟවූයේ ඊශ්‍රායලය ඉරානයේ න්‍යෂ්ටික මධ්‍යස්ථාන වෙත ප්‍රහාර දියත් කිරීමේ අවස්ථාව ප්‍රයෝජනයට ගත හැකි බවයි.
