සටහන – රුවන් නෙළුගොල්ල
එක්සත් ජාතික පක්ෂය ප්රමුඛ සන්ධානය මෙවර මහමැතිවරණයේදී ප්රධාන වශයෙන් ගෑස් සිලින්ඩරය ලකුණ යටතේ තරග වැදීමටත් දිස්ත්රික්ක කිහිපයකදී අලියා ලකුණින් තරග වැදීමටත් සාකච්ඡා පැවැත්වෙන බව එජාප සභාපති වජිර අබේවර්ධන මහතා පවසයි.
“එක්සත් ජාතික පක්ෂය ප්රමුඛ සන්ධානය රනිල් වික්රමසිංහ නායකතුමාගේ ප්රධානත්වයෙන් දේශපාලන පක්ෂ විශාල ප්රමාණයක් සමග සාකච්ඡා කරමින් නාමයෝජනා මණ්ඩල රැස්වෙමින් තිබෙනවා. මේ සතිය මැද වනවිට එහි සියලු කටයුතු අවසන් කිරීමට බලාපොරොත්තු වෙනවා. අවසාන එකඟතාවය සියලු දෙනා විශේෂයෙන් ගෑස් සිලින්ඩරය ලකුණ යටතේ තරග කරන්නත්, වන්නි ප්රදේශයට අලියා ලකුණ යටතේ තරග කරන්නත්, නුවර එළිය දිස්ත්රික්කයට අලියා ලකුණ යටතේ තරග කිරීමටත් සාකච්ඡා වෙමින් තිබෙනවා. එය අවසන් වීමට නියමිතව තිබෙනවා”
වජිර අබේවර්ධන මහතා මේ බව පැවසුවේ ඊයේ (05) ගාල්ලේදී පැවති මාධ්ය හමුවක් අමතමිනි.
