සටහන – රුවන් නෙළුගොල්ල
ශ්‍රී පුර පොලිස් වසමේ ගැමුණුපුර ප්‍රදේශයේදී මොර ඔයෙන් එගොඩවීමට ගිය පුද්ගලයෙකු කිඹුලෙකුගේ ප්‍රහාරයට ලක්වීමෙන් මියගොස් තිබේ.
මෙසේ මියගොස් ඇත්තේ ගැමුණුපුර, පදවි ශ්‍රී පුර ප්‍රදේශයේ පදිංචි 60 හැවිරිදි පුද්ගලයෙකි.
ඔහු තවත් පුද්ගලයින් දෙදෙනෙකු සමග පෙරේදා (04) සවස මොර ඔයෙන් එගොඩ වී රංජිත් මංකඩ ප්‍රදේශයේ මත්පැන් පානය කරමින් සිට ඇති අතර නිවසේ තිබූ මස් රැගෙන ඒම සඳහා නැවත ඔයෙන් මෙගොඩ වීමට යාමේදී කිඹුලෙකු විසින් ඩැහැගෙන ගොස් තිබේ.
ඔහුගේ මෘත දේහයේ කොටසක් කිඹුලා විසින් කා දමා ඇතැයි දැකගැනීමට ලැබුණු බවයි පොලීසිය සඳහන් කරන්නේ.
