කොළඹ LNW:ජනාධිපතිවරණයේදී විශ්වාසය තැබුවා සේ එළඹෙන මහ මැතිවරණයේදී ද ජාතික ජන බලවේගය කෙරෙහි විශ්වාසය තබන ලෙස එහි ලේකම් විශේෂඥ වෛද්‍ය නිහාල් අබේසිංහ මහතා පවසයි.
රටේ ජනතාවට පොහොසත් රටක් ලස්සන ජීවිතයක් අත්කර දීම වෙනුවෙන් වූ සියලු කරුණු කාරණා ඉදිර වසර පහ තුළ සපුරන බවයි අබේසිංහ මහතා සඳහන් කරන්නේ.
මැතිවරණ දිස්ත්‍රික්ක 22 සඳහාම ශක්තිමත් ජනතාවට විශ්වාස කළ හැකි කණ්ඩායම් ඉදිරිපත් කිරීමට ජාතික ජන බලවේගය කටයුතු කර තිබෙන බව ද ඔහු කියා සිටියි.
මෙතෙක් කාලයක් ජනතාව බලාපොරොත්තු වූ සමාජ පරිවර්තනය සඳහා කැප වුණු නායකත්වයක් සැපයීමට හැකි ආණ්ඩුවක් ගොඩනගන බවයි නිහාල් අබේසිංහ මහතා අවධාරණය කරන්නේ.
ආශිකා බ්‍රාහ්මණ
