කොළඹ LNW:එක්සත් ජනපද නාවික බලඇණියේ අණදෙන නිලධාරී අද්මිරාල් ස්ටීව් කොහ්ලර් මහතා අද (10) ජනාධිපති ලේකම් කාර්යාලයේදී ජනාධිපති අනුර කුමාර දිසානායක මහතා හමු වී තිබේ.
ඉන්දියන් සාගරය තුළ දිනෙන් දින ඉහළ යන ආරක්ෂක අභියෝගවලට මුහුණ දීම,සමුද්රීය කලාප පිළිබඳ දැනුවත්භාවය වැඩිදියුණු කිරීම සහ ආපදා සඳහා ප්රතිචාර දැක්වීමේ හැකියාව වැඩිදියුණු කිරීම ගැන එහිදී සාකච්ජා කර ඇති බවයි ජනාධිපති මාධ්ය අංශය නිවේදනය කරන්නේ.
මත්ද්රව්ය ජාවාරම සහ ත්රස්තවාදය වැනි ජාත්යන්තර තර්ජනවලට එරෙහිව සටන් කිරීමේදී ශ්රී ලංකාවට සහය ලබාදෙන බවට අද්මිරාල් ස්ටීව් කොහ්ලර් මහතා සහතික වී තිබේ.
මත්ද්රව්ය ජාවාරමට එරෙහිව ශ්රී ලංකාව දරන අඛණ්ඩ උත්සාහයද එහිදී ඔහු අගය කර ඇත.
මේ අතර නාවික අංශයේ මිනිස් බල පුහුණුව සඳහා එක්සත් ජනපදයේ සහය අඛණ්ඩව ශ්රී ලංකාව වෙත ලබා දෙන බවත් ඔහු එම සාකච්ජාවේදී අවධාරණය කර තිබේ.
ආශිකා බ්රාහ්මණ
