සටහන – රුවන් නෙළුගොල්ල
2024 ජනාධිපතිවරණය සඳහා තරග කළ අපේක්ෂකයින්ට සිය මැතිවරණ වියදම් වාර්තා භාරදීම සඳහා ලබාදී ඇති කාලය හෙටින් (13) අවසන් වේ.
ඒ අනුව හෙට පස්වරු 03.00 දක්වා මේ සඳහා කාලය ලබාදී ඇත.
මේ දක්වා මැතිවරණ වියදම් ලබාදී ඇත්තේ ජනාධිපතිවරණයට තරග වැදුණු අපේක්ෂකයින් 38 දෙනාගෙන් 8 දෙනෙකු පමණක් බවයි මැතිවරණ කොමිෂන් සභාව පවසන්නේ.
නියමිත කාලය තුළ දී වියදම් වාර්තා ලබා නොදෙන අපේක්ෂකයින්ට එරෙහිව මැතිවරණ වියදම් නියාමන පනත යටතේ නීතිමය ක්‍රියාමාර්ග ගැනෙනු ඇත.
