සටහන – රුවන් නෙළුගොල්ල
පසුගිය මැතිවරණයේ මෙන් දැවැන්ත රැලි පවත්වමින් නොව මෙවර මහමැතිවරණයේදී ගෙයින් ගෙට ගොස් ජනතාව දැනුවත් කරමින් මැතිවරණ ප්‍රචාරණ කටයුතු සිදුකිරීමට බලාපොරොත්තු වන බව සමගි ජන බලවේගයේ හිටපු පාර්ලිමේන්තු මන්ත්‍රී ජේ. සී. අලවතුවල මහතා පවසයි.
“අපි මැතිවරණ ව්‍යාපාරය ගියවර වගේ දැවැන්ත රැලි පවත්වන්නේ නැතිව ගෙයින් ගෙට ගිහිල්ලා, දොරින් දොරට ගිහිල්ලා ජනතාව දැනුවත් කරලා ඒ ජනතාවගේ ඡන්දයේ වටිනාකම පිළිබඳ අවබෝධය ඇතිකරලා ඡන්දය පාවිච්චි කරන්න කියලා උද්‍යෝගය ඇතිකරන්න තමයි අපි වැඩිපුර බලාපොරොත්තු වෙන්නෙ”
ජේ. සී. අලවතුවල මහතා මේ බව පැවසුවේ මහමැතිවරණය සඳහා ඊයේ (11) නාමයෝජනා භාරදීමෙන් අනතුරුව කුරුණෑගලදී මාධ්‍ය වෙත අදහස් දක්වමිනි.
