මේ වසරේ ඉදිරි මාස සඳහා ඇමරිකානු ඩොලර් බිලියන 3 – 4 අතර මුදලක් බාහිර මූලාශ්‍රවලින් සපයා ගැනීමට අවශ්‍ය වනු ඇති බව මුදල් අමාත්‍ය මොහොමඩ් අලි සබ්‍රි මහතා පවසයි.
එසේම ඉන්දියාව, චීනය, ජාත්‍යන්තර මූල්‍ය අරමුදල සහ ආසියානු සංවර්ධන බැංකුව සමග මේ වනවිට සාර්ථකව මූලික සාකච්ඡා පවත්වා ඇති බව පවසන ඒ මහතා ආර්ථිකය ඉදිරියට ඇදගෙන යෑමට හැකිවනු ඇතැයි විශ්වාස බවත් ප්‍රකාශ කර තිබේ.
ඉදිරි මාස 6 – 9 අතර කාලය හෝ වසරක කාලය ඉතාම අපහසු කාලයක් වනු ඇති බවත් තමන් එය තේරුම්ගෙන සිටින බවත් ඒ මහතා සඳහන් කර ඇත.
මුදල් අමාත්‍ය මොහොමඩ් අලි සබ්‍රි මහතා මේ බව ප්‍රකාශ කර ඇත්තේ ජාත්‍යන්තර බ්ලූම්බර්ග් පුවත් සේවය සමග පැවති සාකච්ඡාවකදී ය.
RN