සියලු සතුන්ගේ පැවැත්මට ඉවහල් වන ප්‍රධාන සාධකය වන ආහාරයේ වසරේ මුල්ම ආහාර වේල දේවාශීර්වාදය මත ලබා ගැනීමෙන් වසර පුරාවටම සෞභාග්‍යය පෙරදැරි කර ගත් සතුට සාමය හිමි වන බව බොහෝ හින්දු භක්තිකයෝ ආධ්‍යාත්මිකව විශ්වාස කරති එය අපගේ සිංභල අලුත් අවුරුද්දේ අනුභවය හා වැඩ ඇල්ලීමට සමාන වුව ද කිසිදු හින්දු භක්තිකයෙක් ඒ සඳහා අපගේ සිංහල අලුත් අවුරුදු නැකත් සීට්ටුව යොදා නොගනිති. එම සියලු චාරිත්‍රාවලිය පාලනය කරනුයේ ඔවුන් ගේ පූජක ප්‍රජාව විසිනි.එමෙන්ම මෙම ආගමික සැමරුම් වල දී සියලුම හින්දු භක්තිකයන් තමන්ගේ පුද්ගල සහ සමාජ තරාතිරම් මුලුමනින්ම අමතක කොට මුලු හින්දු බැතිඅත් ප්‍රජාවම එකම පවුලක සාමාජිකයන් සේ කටයුතු කිරීම ද විශේෂත්වයකි. ඒ අනුව එම ආගමික චාරිත්‍ර වල දී “කැරෙයාර්”(සිංහලෙන් කරාවේ) නමින් හැඳින්වෙන වෙරළ බඩ ධීවරයාත් සාගර විද්‍යාඥයාත් අතර කිසිදු වෙනසක් දක්නට නොමැත. https://www.vinivida.lk/8420-2/ |