සටහන – නිශ්මං රණසිංහ
ඔක්තෝබර් 25,(LNW) කොළඹ :
නවසීලන්තයේ පැවත්වෙන් MAXX North Harbour International 2024 බැඩමින්ටන් සූරතාවලිය නියෝජනය කළ දුමිදු අබේවික්‍රම ජයග්‍රාහීව පෙරට ආ ගමන නවත්වන්නට චීන තායිපේ ක්‍රීඩක වැන්ග් පෝ වෙයි සමත් වුණා.වට තුනක් පුරා විහිදුණු එම තරගයේදී වැන්ග්,දුමිදුට එරෙහිව ජය ගත්තේ ලකුණු 16 – 21,21 – 5 සහ 21-16 ක් ලෙස වට 2-1 ක් ලෙසයි.ඔහු අවසාන 16 දෙනා අතරට පැමිණි පසුව මෙම පරාජය අත් වුණා.
ඉන්දුනීසියාවේ පැවත්වෙන WONDR by BNI Indonesia International Challenge 2024 බැඩිමින්ටන් තරගාවලියේ දී රසිඳු හෙන්දහේවා ද පරාජයට පත් වුණේ අවසන් 16 දෙනා අතරට පිවිසුණු පසුවයි.එහිදී ලකුණු තත්ත්වය දැක් වුණේ 21-10 ක් සහ 21-9 ක් ලෙසයි.රසිඳුව පරාජයට පත් කළ ප්‍රතිවාදියා වූයේ ඉන්දුනීසියාව නියෝජනය කරන යොහානෙස් කේටි මර්සිලියානෝ යි.
