මහින්ද රාජපක්ෂ මහතා අග්‍රාමාත්‍ය ධුරයෙන් ඉවත් වන්නේ නම් ආණ්ඩුවෙන් ඉවත්ව ස්වාධීන වී සිටින මන්ත්‍රී කණ්ඩායම නැවත ආණ්ඩුවට එකතුවීමට සූදානම් බව හිටපු අමාත්‍ය විමල් වීරවංශ මහතා ඇතුළු පිරිස ජනාධිපති ගෝඨාභය රාජපක්ෂ මහතා වෙත දැනුම් දී ඇති බව වාර්තා වේ.
විමල් වීරවංශ මහතා ඇතුළු කණ්ඩායමේ මෙම පණිවිඩය ඊයේ (16) දිනයේදී ජනාධිපතිවරයා වෙත දැනුම් දී ඇති අතර ඊයේ දිනයේදීම ජනාධිපතිවරයා ඒ බව මහින්ද රාජපක්ෂ මහතාට ද දැනුම් දී ඇති බවයි ආරංචිමාර්ග සඳහන් කළේ.
මහින්ද රාජපක්ෂ මහතාගේ පුත් නාමල් රාජපක්ෂ මහතා වරක් පවසා තිබුණේ විමල් වීරවංශ යනු තමන්ට තම පවුලේම වැඩිමහල් සහෝදරයා වැනි බවයි. දැන් ඒ වැඩිමහල් සහෝදරයාම පොහොට්ටු කඳවුරේම “අප්පච්චී” ලෙස හැඳින්වෙන මහින්ද රාජපක්ෂ මහතාව ඉවත් කරන ලෙස බලපෑම් කිරීම දෛවෝපගත සිදුවීමකි.
RN
