සටහන: සශිකලා මධුෂාණි
නොවැම්බර් 19; ලෝකය(අවුට්බවුන්ඩ් ටුඩේ) : ඇමරිකා එක්සත් ජනපදේ ජනාධිපති ඩොනල්ඩ් ට්‍රම්ප් එළඹෙන කාලය තුළ ජාතික හදිසි අවස්ථාවක් ප්‍රකාශයට පත් කර සමූහ වශයෙන් පිටුවහල් කිරීමට මැතිවරණ වේදිකාවේ ලබා දුන් පොරොන්දු අනුව යමින් මිලිටරි බලය යොදාගැනීමට සුදානම් බව සඳහන් කර තිබේ.
සිය සමාජ මාධ්‍ය වේදිකාවේ සටහනක් යොදමින් ඩොනල්ඩ් ට්‍රම්ප් සඳහන් කර තිබුණේ, එක්සත් ජනපද ඉතිහාසයේ විශාලතම පිටුවහල් කිරීමේ මෙහෙයුම ස්ථිරම වශයෙන්ම සිදු වන බවයි.
ඇස්තමේන්තුගත මිලියන 11-13 දක්වා ලේඛනගත නොවූ සංක්‍රමණිකයන් එක්සත් ජනපදයේ ජීවත් වන අතර, සංක්‍රමණ සහ මානව හිමිකම් කණ්ඩායම් විශාල වශයෙන් පිටුවහල් කිරීමේ ප්‍රයත්නයක පිළිබඳව මානුෂීය බිඳවැටීම ගැන දිගු කලක් තිස්සේ අනතුරු අඟවා ඇත.
දැඩි සංක්‍රමණ ප්‍රතිපත්ති පිළිබඳ දිගුකාලීන උපදේශක ට්‍රම්ප්ගේ නව “දේශසීමා සාර්” ලෙස තේරී පත් වූ එක්සත් ජනපද ආගමන හා රේගු බලාත්මක කිරීමේ (ICE) හි හිටපු ප්‍රධානියා වන ටොම් හෝමන් යටතේ මහා පරිමාණ වැටලීම් සහ රඳවා ගැනීම් සිදු කිරීම සඳහා මිලිටරියේ ශාඛාවක් වන එක්සත් ජනපද ජාතික ආරක්ෂක බළකාය යොදවනු ඇතැයි අපේක්ෂා කෙරේ,
කෙසේ නමුත්, එක්සත් ජනපදයේ නීති විශාරදයින් මේ සම්බන්ධයෙන් සඳහන් කර ඇත්තේ, සමූහ වශයෙන් පිටුවහල් කිරීම සඳහා ජාතික හදිසි අවස්ථාවක් ප්‍රකාශ කිරීමත්, ඒ වෙනුවෙන් හදිසි බලතල ක්‍රියාත්මක කළ හැක්කේ විශේෂිත අවස්ථාවන්හිදී පමණක්වන බවයි.
