සටහන – රුවන් නෙළුගොල්ල
W.M. මෙන්ඩිස් සහ සමාගමේ වැලිසර, නාගොඩ පිහිටි මත්පැන් නිෂ්පාදනාගාරයට ඊයේ (දෙසැම්බර් 05) මුද්‍රා තබනු ලැබිණි.
එම සමාගම හිඟ සුරාබදු සහ ඊට අදාළ 3%ක අධිභාරය වශයෙන් රුපියල් බිලියන 5.7ක මුදලක් ගෙවීම පැහැර හැරීම මත එහි මත්පැන් නිෂ්පාදන බලපත්‍රය ඊයේ දිනයේ සිට අත්හිටුවීමට සුරාබදු කොමසාරිස් ජනරාල්වරයා නියෝග කර තිබුණු අතර එම නියෝගය අනුව සුරාබදු දෙපාර්තමේන්තුවේ ජාඇළ සහ ගම්පහ සුරාබදු අධිකාරීවරුන් හා නිලධාරීන් කණ්ඩායමක් විසින් මෙසේ අදාළ නිෂ්පාදනාගාරයට මුද්‍රා තබන ලදී.
පැය හයකට වැඩි කාලයක් එහි කළ නිරීක්ෂණ කටයුතුවලින් අනතුරුව නිෂ්පාදනාගාරයට මුද්‍රා තැබුණු අතර ඉහත කී සුරාබදු අධිකාරීවරුන් සඳහන් කළේ W.M. මෙන්ඩිස් සහ සමාගමේ සියලුම නිෂ්පාදන සහ බෙදාහැරීම් කටයුතු සිදුකළ නොහැකි බවයි.
මෙන්ඩිස් සමාගමේ හිමිකරු වන අර්ජුන් ඇලෝෂියස් රුපියල් බිලියන 3.5 ක වැට් බදු ගෙවීම පැහැර හැරීම හේතුවෙන් මාස හයක සිර දඬුවමක් නියමව මේ වනවිට බන්ධනාගාරගතව සිටී.
