කොළඹ LNW:පාර්ලිමේන්තුවේ ප්‍රධානතම කමිටු දෙකක් වන කෝප් සහ කෝපා සහ කමිටුවල සභාපති ධූර පත් කිරීම සම්බන්ධයෙන් සභානායක බිමල් රත්නායක මහතා අදහස් දක්වා තිබේ.
ඒ අනුව රජයේ ගිණුම් පිළිබද කාරක සභාව හෙවත් කෝපා කමිටුවේ සභාපති ධූරය විපක්ෂයට ලබා දීමට නියමිතයි.
මේ අතර කෝප් කමිටුවේ සභාපති ධූරයට ආණ්ඩු පක්ෂ මන්ත්‍රීවරයෙකු පත් කිරීමට නියමිත බවයි බිමල් රත්නායක මහතා පවසන්නේ. ඊට හේතුව ලෙස දක්වා ඇත්තේ කෝප් කමිටුව මගින් විමර්ශනය කිරීමට නියමිතව ඇත්තේ පසුගිය රජයේ කටයුතු පිළිබදව වන හෙයින් එහිදී පසුගිය රජයේ චෝදනා එල්ල වූ අයෙකු එම කමිටුවේ සභාපති අසුනේ අසුන් ගැන්වීම කළ නොහැකි වීමයි.
ආශිකා බ්‍රාහ්මණ
