සටහන: සශිකලා මධුෂාණි
දෙසැම්බර් 20; ලෝකය(අවුට්බවුන්ඩ් ටුඩේ) : පකිස්ථානයේ බැලස්ටික් මිසයිල වැඩසටහනට එරෙහිව එක්සත් ජනපදය විසින් සම්බාධක පැනවීම කලාපයේ සාමය සහ ආරක්ෂාව අවදානමට ලක් කරන බවත්, පකිස්ථානය වෙනස්කොට සැලකීමක් බවත් එරට විදේශ කටයුතු අමාත්‍යංශය නිවේදනය කර තිබේ.
පකිස්ථානයේ විදේශ කටයුතු අමාත්‍යාංශය බ්‍රහස්පතින්දා නිවේදනයක් නිකුත් කරමින් අනතුරු ඇඟවූයේ එක්සත් ජනපදය විසින් පනවන ලද සම්බාධක අපගේ කලාපයේ සහ ඉන් ඔබ්බෙහි උපායමාර්ගික ස්ථාවරත්වය සඳහා භයානක තත්වයක් ඇති කරන බවයි.
සම්බාධක මගින් ඉලක්කගත ව්‍යාපාරවලට අයත් ඕනෑම එක්සත් ජනපද දේපල කැටි කරන අතර ඇමරිකානුවන්ට ඔවුන් සමඟ ව්‍යාපාර කිරීම තහනම් කරයි. පසුගියදා එක්සත් ජනපදය නිවේදනය කර තිබුණේ , පකිස්ථානය මේවන විට දිගු දුර බැලස්ටික් මිසයිල හැකියාවන් වර්ධනය කරමින් සිටින අතර, අවසානයේදී එක්සත් ජනපදය ඇතුළු දකුණු ආසියාවෙන් පිටත ඉලක්ක වෙත ප්‍රහාර දියත්කළ හැකි බවයි.
පකිස්තානය 1998 දී ප්‍රකාශිත න්‍යෂ්ටික බලවතෙකු බවට පත් වූ අතර, එහි ප්‍රතිවාදියා සහ අසල්වැසි ඉන්දියාව විසින් සිදු කරන ලද ඒවාට ප්‍රතිචාර වශයෙන් භූගත න්‍යෂ්ටික අත්හදා බැලීම් සිදු කර ඇත.
