මෙරට උද්ධමනය ගැන නවතම වාර්තාවක්!

රෂිකා හෙන්නායක දෙසැම්බර් 23, කොළඹ (LNW):

මෙරට උද්ධමනය 2024 නොවැම්බර් මාසයේ දී ජාතික පාරිභෝගික මිල දර්ශකයට අනුව  -1.7% ක් දක්වා තවදුරටත් පහළ ගොස් ඇති බව වාර්තා වන අතර, ජනලේඛන සහ සංඛ්‍යාලේඛන දෙපාර්තමේන්තුව පවසන්නේ 2024 ඔක්තෝබර් මාසයේ දී උද්ධමනය -0.7%ක් ලෙස වාර්තා වූ බවයි. 

2024 ඔක්තෝම්බර් මාසයේ දී 1.3% ලෙසින් සටහන්ව තිබූ ආහාර උද්ධමනය 2024 නොවැම්බර් මාසයේ දී 0% ක් දක්වා සහ ආහාර නොවන කාණ්ඩයේ උද්ධමනය -2.3% සිට -3.1% ක් දක්වාත් පහළ ගොස් ඇති බව නවතම දත්ත අනුව පෙන්වා දෙන අතර, ජනලේඛන හා සංඛ්‍යාලේඛන දෙපාර්තමේන්තුව විසින් නිකුත් කරන ලද නවතම වාර්තාවක මේ බව දක්වා ඇත.