සටහන – පුලී
ජනවාරි 29, ලෝකය (අවුට්බවුන්ඩ් ටුඩේ):ඉකුත් අඟහරුවාදා උදෑසන, නීතිවිරෝධී සංක්‍රමණිකයන් පිටුවහල් කිරීම පිළිබඳ එක්සත් ජනපද ජනපති ඩොනල්ඩ් ට්‍රම්ප්ගේ නිවේදනය සම්බන්ධයෙන් හොලිවුඩයේ තරුවක් වූ සෙලීනා ගෝමස් හඬා වැටෙන වීඩියෝවක් සමාජ මාධ්‍ය තුළ ආන්දෝලනයක් ඇති කරන්නට විය.
බොහෝ දෙනෙක් ඇයට සහය පළ කළ අතර ඇතැමුන් විරුද්ධ මත දරමින් ඇයව අවුස්සන්නට විය. සෙලීනාව අවුස්සමින් ප්‍රකාශ කළ අය අතර ගායිකා Lana Del Rey ද සිටින බව දක්නට හැකි විය. ට්‍රම්ප්ගේ දේශපාලන සටන් පාඨය වන ‘ඇමරිකාව නැවතත් ශ්‍රේෂ්ඨ කරමු’ යන සටන් පාඨයට සහය දක්වන Lana Del Rey, සෙලීනාට එරෙහිව ප්‍රකාශයක් කර තිබේ.
සෙලීනා ඇගේ ඉන්ස්ටග්‍රෑම් ස්ටෝරීස් වල පළ කර තිබූ එම වීඩියෝව පසුව මකා දමන ලදී.
“ඔබ ඔබේ බෑග් පැක් කරගෙන නැවත මෙක්සිකෝවට යා යුතුයි.” ලානා මෙලෙස සෙලීනා හට පවසා තිබුණි.
දැන් මකා දැමූ විඩීයෝ පටයෙහි, සෙලීනා ප්‍රකාශ කර තිබුණේ, “මට කියන්න ඕන වුණේ මට සමාවෙන්න. මගේ සියලුම මිනිසුන්ට, ළමයින්ට පහරක් වැඳී තිබෙනවා. මට තේරෙන්නේ නැහැ. මට සමාවෙන්න, මට යමක් කරන්න තිබුණා නම් හොඳයි. නමුත් මම දන්නේ නැහැ! මම හැම දෙයක්ම උත්සාහ කරන්නම්, මම පොරොන්දු වෙනවා!” යනුවෙනි.
ඒ සමඟ ඇය, මෙක්සිකානු ධජයක් සමඟ “මට සමාවෙන්න” යනුවෙන්ද සඳහන් කර තිබුණි.
සෙලීනාගේ සංවේදීතාව අතකොලුවක් කරගත් රිපබ්ලිකානුවන් ඇයවත් පිටමන් කල යුතුය යන්නෙන් පහර එල්ල කර තිබුණි. මේ එලැඹ තිබෙන්නේ සිවිල් යුද්ධයක මූලාරම්භයේ පුපුරු ගසන කෙටි ජවනිකා විය හැකිය.
