කොළඹ LNW:ප්‍රමාද වී හෝ වී සඳහා යම් මිලක් ලබා දීම ගැන තමන් ආණ්ඩුවට ස්තූතිවන්ත වෙන බව ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී නාමල් රාජපක්ෂ මහතා පැවසුවේය.
ඒ, අද (05) පාර්ලිමේන්තු විවාදයට එක්වෙමිනි.
”මම ස්තුතිවන්ත වෙනවා ආණ්ඩුවට පරක්කුවෙලා හරි වී වලට යම් මිලක් දීම ගැන. මොකද මම ඒක සාධාරණ මිලක් කියල කියන්න කැමති නැහැ. මොකද ඔබතමුන්නාන්සේලා එදා සටන් කළේ වී වලට සාධාරණ මිල වෙන්නේ 130-150 අතර මිලක් දුන්නොත් කියන කාරණය. එය ඔබතමුන්නාන්සේලාගේ සටන් පාඨය. හැබැයි අද පරක්කු වෙලා හරි 120ක මිලක් ලබාදෙන්න ඔබතමුන්නාන්සේලා කටයුතු කරලා තියෙනවා.” යනුවෙන් මන්ත්‍රීවරයා සඳහන් කරන ලදී.
ඒ අනුව වී අලෙවි මණ්ඩලය විසින් නාඩු වී කිලෝව රු.120,සම්බා වී කිලෝ එකක් රු. 125 සහ කීරි සම්බා කිලෝවක් රු.132 යන මිල ගණන් යටතේ මිලදී ගැනීමට නියමිතයි.
ආශිකා බ්‍රාහ්මණ
