සටහන – රුවන් නෙළුගොල්ල
සාමාන්යයෙන් වී කිලෝග්රෑම් එකක මිල රුපියල් 117.70ක් විය යුතු වුවත් රජය තවත් රුපියල් දෙකයි ශත තිහකුත් එකතු කර ගොවි ජනතාවට රුපියල් 120ක මිලක් ගොවි ජනතාවට ලබාදී ඇති බව කෘෂිකර්ම හා පශූ සම්පත් නියෝජ්ය අමාත්ය නාමල් කරුණාරත්න මහතා පවසයි.
“වී කිලෝ එකක් වෙන්න ඕනෙකම තියෙන්නෙ රුපියල් 117.70 යි. අපි තවත් රුපියල් දෙකයි ශත තිහක් එකතු කරලා තියෙනවා, ගොවියා වී ටික වේලලා ගබඩාවට අරන් එන එකට රුපියල් 120 කළා. ඒ මිලට වැඩියෙන් කොහෙහරි ගොවි ජනතාවට වී විකුණන්න පුළුවන්කමක් තියෙනවා නම් විකුණන්න. ඒකට ඉඩකඩ දීලා තියෙනවා. ඕනෙ කෙනෙකුට වී කිලෝ එකක් රුපියල් 200 ට වුණත් ගන්න පුළුවන්, ප්රශ්නයක් නෑ. 250 ට වුණත් ගන්න පුළුවන්, ප්රශ්නයක් නෑ. හැබැයි හාල් දෙන්න ඕනෙ මිලක් තියෙනවා. ඒ මිල පනින්න බෑ”
ප්රශ්නය – ඔබතුමාට ලස්සන නමක් දාලා තියෙනවා “බුරම්පි” කියලා …
“ඒ ගම්වල ඉතින් ඉන්නවානෙ … ඇසිලින් අම්මලා ඉන්නවා, ජොසපින් අම්මලා ඉන්නවා, සියාතු මාමලා, බුරම්පි මාමලා, අප්පුහාමි මාමලා …. අනේ ඉතින් අපි වන්නි බයියොනෙ. මේ කතා කරන මමත් හොඳ වන්නි බයියෙක්. ඉතින් එහෙම කිව්වායි කියලා අපි කම්පනයට පත්වෙන්නෙ නෑ”
අමාත්ය නාමල් කරුණාරත්න මේ බව පැවසුවේ කොළඹදී පැවති මාධ්ය හමුවක් අමතමිනි.
