කොළඹ LNW:ප්රකට ව්යාපාරික සඟරාවක් වන එල්.එම්.ඩී විසින් අඛණ්ඩව සිදු කර තිබෙන සමීක්ෂණයකට අනුව ඉදිරි ආර්ථිකය යහපත්වනු ඇති බවට වන ජනතා විශ්වාසය වැඩි වී තිබෙන බව පෙන්වා දී තිබේ.
ඒ අනුව ජනවාරි මාසයට අදාළව සමීක්ෂණයට සහභාගී වූවන්ගෙන් 58%ක් එම විශ්වාසය ප්රකාශ කර තිබෙන අතර ජනාධිපතිවරණයට පෙර එම විශ්වාසය තිබී ඇත්තේ 8%ක් වැනි පහළ මට්ටමකය.
එල්.එම්.ඩී සඟරාව විසින් පසුගිය දෙසැම්බරයේ කළ සමීක්ෂණයට අනුව ආර්ථිකය යහපත්වනු ඇති බවට පලකර තිබුණු විශ්වාසය 41%ක මට්ටමක පැවතුණි.
දෙසැම්බරයේ සිට ජනවාරි මාසය වන විට කැපී පෙනෙන ලෙස රජය සම්බන්ධයෙන් වන විශ්වාසයේ වර්ධනයක් පෙන්නුම් කර තිබෙන අතර අද දින ඉදිරිපත්කරන 2025 අයවැය වාර්තාව අනුව ද රජයේ ඉදිරි ආර්ථික වැඩපිළිවෙල සම්බන්ධයන් මහජන මතය ප්රකාශයට පත්වෙනු ඇත.
ආශිකා බ්රාහ්මණ
