කොළඹ LNW:රාජ්‍ය වියදම් කළමනාකරණය මූලික කරගනිමින් මහජන නියෝජිතයින්ට ලබාදෙන දීමනා සහ ප්‍රතිලාභ සම්බන්ධයෙන් සමස්ත පද්ධතියම සමාලෝචනය කිරීමට තීරණය කර ඇති බව අයවැය කතාව සිදුකරමින් ජනාධිපති අනුර කුමාර දිසානායක මහතා පැවසුවේය.
ඒ අනුව ලක්ෂ 10ට පැවති රක්ෂණය රුපියල් ලක්ෂ දෙකහමාරක් දක්වා අඩුකරන බවයි ජනාධිපතිවරයා සඳහන් කළේ.
“මන්ත්‍රීවරුන්ට පර්මිට් එක ලැබෙන්නෙත් නෑ. මේ අවුරුද්දේ වාහනත් නෑ. අයවැයෙන් මුදල් වෙන්කරලා නෑ. ඒක දරාගන්න බෑ” යනුවෙනුයි ජනාධිපතිවරයා මැති ඇමති ප්‍රතිපාදන ගැන කියමින් තවදුරටත් පැවසුවේ.
ජනාධිපති, අගමැති සහ මැති ඇමතිවරු සම්බන්ධයෙන් වෙන් කළ පොදු සම්පත් ඵලදායි ලෙස මහජන සංචිතයට යොමු කිරීමට කමිටුවක් දැනටමත් පත්කර ඇති අතර අධික නඩත්තු වියදම් දැරීමට සිදුවන රජයේ සියලු සුඛෝපභෝගි වාහන මාර්තු මාසයේ වෙන්දේසි කරන බවත් ජනාධිපතිවරයා ප්‍රකාශ කරන ලදී.
තෝරාගත් රජයේ නිලධාරීන්ට සුදුසු මුල්‍ය ප්‍රතිපාදන ලබාදීම හරහා වාහන සඳහා වු අධික වියදම් අවම කිරීමටද නියමිතයි.
ආශිකා බ්‍රාහ්මණ
