සටහන – රුවන් නෙළුගොල්ල
හෙට්ටිපොල පොලිස් වසමේ මඟුලාගම ප්රදේශයේදී ඊයේ (පෙබරවාරි 27) රාත්රියේ වෙඩි වැදුණු කාන්තාවක් සහ දැරියක් රෝහල්ගත කර ඇති අතර එහිදී දැරිය මියගොස් තිබේ.
මෙසේ මියගොස් ඇත්තේ මඟුලාගම, හෙට්ටිපොල ප්රදේශයේම පදිංචි 09 හැවිරිදි දැරියකි.
මෙම දැරිය සිය මිත්තණිය සමඟ නිවසේ රැඳී සිටියදී, අසල පිරිසක් ඌරන් දඩයම් කිරීමට කෑකෝ ගසන ශබ්දය ඇසී එය බැලීමට නිවසින් පිටතට පැමිණි අවස්ථාවේදී වෙඩි වැදී ඇති බවට විමර්ශනවලදී අනාවරණය වී ඇති බවයි පොලීසිය පවසන්නේ.
වෙඩිතැබීම සිදුකළ බෝර 12 වර්ගයේ ගිනිඅවිය පොලිස් භාරයට ගෙන ඇති අතර සැකකරු ප්රදේශයෙන් පළාගොස් ඇත.
හෙට්ටිපොල පොලීසිය වැඩිදුර විමර්ශන සිදුකරයි.
