රෂිකා හෙන්නායක මාර්තු 05, කොළඹ (LNW):
මිද්දෙණිය ප්‍රදේශයේ ඉකුත්දා සිදු වූ ත්‍රිත්ව ඝාතනයට සම්බන්ධ වෙඩික්කරු අත්අඩංගුවට ගෙන තිබෙන බව වාර්තා වේ.
එම වෙඩි තැබීමෙන් වීරකැටිය, මීගස් ආර ප්‍රදේශයේ පදිංචිව සිටි අරුණ විදානගමගේ සහ ඔහුගේ 08 හැවිරිදි දියණිය සහ ඔහුගේ 09හැවිරිදි පුතු ජීවිතක්ෂයට පත්විය.
වීරකැටිය මිද්දෙණිය මාර්ගයේ ගල්පොත්තයාය 9 කණුව අසළදී මෙම වෙඩි තැබීම සිදුව තිබුණු අතර,යතුරු පැදියකින් පැමිණි දෙදෙනෙක් T56 වර්ගයේ ගිනි අවියකින් වෙඩි තබා පළා ගොස් තිබූ බව, පොලිසිය පැවසීය.
මෙම අපරාධය සම්බන්ධයෙන් මේ වන විට සැකකරුවන් 08 දෙනෙකු අත්අඩංගුවට ගෙන තිබෙන බව සඳහන් වේ.
