රෂිකා හෙන්නායක මාර්තු 20, කොළඹ (LNW):
මාතර මහේස්ත්රාත් අධිකරණය වෙත ඉදිරිපත් කළ පොලිස්පති දේශබන්දු තෙන්නකෝන් මහතාගේ ඇප ඉල්ලීම ප්රතික්ෂේප කෙරේ . අප්රේල් 03 දක්වා රක්ෂිත බන්ධනාගාර ගත කළ බව වාර්තා වේ .
2023 වසරේ වැලිගම පැලෑන ප්රදේශයේ හෝටලයක් අසල සිදුවු වෙඩිතැබීමේ සිද්ධියකට අදාළව අත්අඩංගුවට ගැනීමට වරෙන්තු නිකුත් කර සිටි දේශබන්දු තෙන්නකෝන් මහතා, දින 20ක කාලයක් සැඟව සිට ඊයේ (19) දිනයේ මෝසමක් ඉදිරිපත් කරමින් අධිකරණයට භාරවුණි.
පසුව සැකකාර දේශබන්දු තෙන්නකෝන් මහතා අද දිනය දක්වා රක්ෂිත බන්ධනාගාර ගත කරන ලෙසට මාතර මහෙස්ත්රාත්වරයා ඊයේ නියෝග කර තිබුණු අතර, අදාළ නියෝගයට අනුව දේශබන්දු තෙන්නකෝන් මහතා ඊයේ පස්වරුවේ අගුණුකොළපැලැස්ස බන්ධනාගාරයේ විශේෂ ආරක්ෂාවක් යටතේ රඳවා තිබුණි.
අද (20) දිනයේදී ඒ අනුව, රක්ෂිත බන්ධනාගාර ගත කර සිටින සේවය අත්හිටුවනු ලැබු පොලිස්පති දේශබන්දු තෙන්නකෝන් මහතා යළි මාතර මහෙස්ත්රාත් අධිකරණය වෙත ඉදිරිපත් කෙරුණි.
