කොළඹ LNW:පාර්ලිමේන්තු වටරවුම අසල පොල්දූව මංසන්ධියේදී අදත් (21) ඒකාබද්ධ රැකියා විරහිත උපාධිධාරී සංගමය විසින් විරෝධතාවයක් සංවිධානය කර තිබුණි.
සියලුම රැකියා විරහිත උපාධිධාරීන්ට කඩිනමින් රැකියා ලබාගැනීම, උපාධිධාරීන් හට වයස් සීමා දමා රැකියා කප්පාදු කිරීම් නතර කරන ලෙසත් වන ඉල්ලීම් කිහිපයක් මුල්කරගෙන එය සංවිධානය කර තිබුණි.
පසුගිය දින පහක් පුර ඔවුන් මෙම ස්ථානයේ රැඳී සිටිමින් ඔවුන් සිය විරෝධය දක්වන ලදී. එහෙත් ආණ්ඩුව පාර්ශවයෙන් කිසිදු සැලකිල්ලක් නොදැක්වූ බවටයි රැකියා විරහිත උපාධිධාරීන් චෝදනා කළේ.
ඒ අනුව, අද (21) දින අයවැය සම්මත වන තුරු දවස පුරා එම ස්ථානය තුළ විරෝධතාවයේ නියැළී සිටීමටද ඔවුන් කටයුතු කර තිබේ.
විරෝධතව අතරතුර මාර්ග අවහිර වන ලෙස විරෝධතාකරුවන් කටයුතු කිරීම නිසා විරෝධතාකරුවන් සහ පොලීසිය අතර උණුසුම් තත්ත්වයක් ද ඇති විය.
ජායාරූප – අජිත් සෙනෙවිරත්න
සියලුම ඡායාරූප නරඹන්න
අපගේ readphotos වෙබ් අඩවිය වෙත පිවිසෙන්න.
