රෂිකා හෙන්නායක මාර්තු 24, කොළඹ (LNW):
මීට වසර 5කට පමණ පෙර ජාතික හැඳුනුම්පත ඉල්ලුම් කළ සිය දරුවන්ට මෙතෙක් එම හැඳුනුම්පත ලැබී නොමැති බව ඇතැම් දරුවන්ගේ මව්පියන් චෝදනා කර සිටී.
ඔවුන් පෙන්වා දුන්නේ, සිය දරුවන් තවදුරටත් භාවිත කරනු ලබන්නේ ජාතික හැඳුනුම්පත ඉල්ලුම් කිරීමේදී ලබාදුන් සහතික කරන ලද තාවකාලික හැඳුනුම්පත් සහතිකයක් බවයි. ඔවුන් පවසන්නේ, වසර පහක පමණ කාලයක සිට භාවිත කරන එම තාවකාලික හැඳුනුම්පත් සහතිකය ද මේ වන විට භාවිත කිරීමට නොහැකි තත්ත්වයක පවතින බවයි.
මේ හේතුවෙන් සිය දරුවන් මුහුණදෙන ප්රායෝගික ගැටළු කිහිපයක් පිළිබඳ එම ගැටළුවට මුහුණ දී සිටින දරුවන්ගේ දෙමව්පියන් පවසන අතර, මෙවැනි ගැටළුවලට මුහුණ පා සිටින සිය දරුවන්ට ජාතික හැඳුනුම්පත ලබාදීමට කඩිනමින් පියවර ගන්නා ලෙස, එම මව්පියන් පුද්ගලයින් ලියාපදිංචි කිරීමේ දෙපාර්තමේන්තුවෙන් ඉල්ලා සිටී.
