හිටපු මහබැංකු අධිපති අජිත් නිවාඩ් කබ්‍රාල් මහතාට එරෙහිව පනවා ඇති විදෙස් ගමන් තහනම දීර්ඝ කිරීමට කොළඹ මහේස්ත්‍රාත් අධිකරණය ඊයේ (05) නියම කළේය.
රට තුළ සිදුව ඇති මූල්‍ය අක්‍රමිකතාවලට හිටපු මහබැංකු අධිපතිවරයා වගකිවයුතු බවට චෝදනා කරමින්, ඔහු රටින් පිටවීම වළක්වාලන ලෙස ඉල්ලා මෙම නඩුව ගොනුකර ඇති අතර එය පසුගිය මැයි 02 වනදා කැඳවීමට නියමිතව තිබුණු නමුත් එදින රජයේ නිවාඩු දිනයක් ලෙස ප්‍රකාශයට පත්කිරීම හේතුවෙන් මෝසමක් මාර්ගයෙන් ඊයේ දිනයේදී එය නැවත කැඳවා තිබිණි.
එහිදී කොළඹ අතිරේක මහේස්ත්‍රාත් හර්ෂණ කැකුණවල මහතා නියෝග කළේ මැයි 23 වනදා අධිකරණයෙහි පෙනී සිටින ලෙස අජිත් නිවාඩ් කබ්‍රාල් මහතාට නොතීසි නිකුත් කිරීමටත් ඔහුට එරෙහි විදෙස් ගමන් තහනම ඒ දක්වා දීර්ඝ කිරීමටත් ය.
RN
