සටහන – රුවන් නෙළුගොල්ල
කතරගම ප්‍රදේශයේ ඉඩමක ඉදිකිරීමක් සඳහා කූඨ ලේඛන සකස් කර අනුමැතිය ලබාදීමේ සිද්ධියක් සම්බන්ධයෙන් අපරාධ පරීක්ෂණ දෙපාර්තමේන්තුව විසින් අත් අඩංගුවට ගත් කතරගම ප්‍රාදේශීය සභාවේ හිටපු සභාපති අශෝක වික්‍රමසිංහ ඇප මත මුදාහැරීමට තිස්සමහාරාම මහේස්ත්‍රාත්වරයා නියම කර තිබේ.
ඒ අනුව ඔහුව රුපියල් ලක්ෂ 50 බැගින් වූ ශරීර ඇප දෙකක් මත මුදාහැරීමටයි මහේස්ත්‍රාත්වරයා අද (අප්‍රේල් 09) නියෝග කර ඇත්තේ.
එමෙන්ම සෑම මසකම අවසන් ඉරිදා දිනයේදී කොළඹ අපරාධ පරීක්ෂණ දෙපාර්තමේන්තුව හමුවේ පෙනී සිටින ලෙස ද සැකකරුට නියෝග කෙරුණු අතර ඔහුට විදෙස් ගමන් තහනමක් ද පනවන ලදී.
හිටපු ජනාධිපති ගෝඨාභය රාජපක්ෂට අයත් බව කියවෙන කතරගම ප්‍රදේශයේ නිවසක් සම්බන්ධ විමර්ශනයකට අදාළව ඉහත කී හිටපු සභාපතිවරයාව අත් අඩංගුවට ගෙන තිබිණි.
