සටහන – රුවන් නෙළුගොල්ල
මෙවර පළාත් පාලන මැතිවරණදී තම පක්ෂයේ ඡන්ද ප්‍රමාණය අඩුවුණේ සතියේ වැඩකරන දිනයක ඡන්ද විමසීම පැවැත්වීම ඇතුළු කරුණු කිහිපයක් නිසා විය හැකි බව කම්කරු නියෝජ්‍ය අමාත්‍ය මහින්ද ජයසිංහ පවසයි.
“මැයි 06 වැඩකරන දිනයක්. වෙනදා බොහෝවිට මේ ඡන්දය පැවැත්වෙන්නේ නිවාඩු දිනයක, සෙනසුරාදා දිනයක. බොහෝවිට ඒ කාරණයත් බලපාන්න ඇති. ඒ වගේම සිංහල – හින්දු අලුත් අවුරුද්ද තිබුණා, ඒ අවුද්ද අවසන් වූ විගසම වගේ තමයි මේ මැතිවරණය තිබුණේ. ඒ වගේම ඊළඟ සතියේ වෙසක් තිබෙනවා. මේ සියලුම කරුණු මේ මැතිවරණයේ ඡන්ද ප්‍රකාශ කිරීම අඩුවෙන්න හේතුවක් වෙන්න ඇති”
මහින්ද ජයසිංහ නියෝජ්‍ය අමාත්‍යවරයා මේ බව පැවසුවේ ඊයේ (මැයි 07) දිනයේදී ගම්පහ ප්‍රදේශයේදී මාධ්‍ය වෙත අදහස් දක්වමිනි.
