පළාත් පාලන ආයතන 267ක බලය ජනතාව ජාතික ජන බලවේගයට ලබාදී ඇති බවත් අනිවාර්යයෙන්ම එම ආයතනවල බලය පිහිටුවීමට තම පක්ෂය කටයුතු කරන බවත් නිවාස නියෝජ්‍ය අමාත්‍ය ටී. බී. සරත් අවධාරණය කරයි.
“නගර සභා, ප්‍රාදේශීය සභා 267ක බලය අපිට දීලා තියෙන්නෙ ජනතාව. ප්‍රජාතන්ත්‍රවාදීව ජනතාව දීලා තියෙන බලය ඒ විදියට ක්‍රියාත්මක කරවන්න අපි කටයුතු කරනවා. ඒවාට බාධා පමුණුවනවා නම් නව නීති හෝ සකස් කරලා ජනතාවගේ පරමාධිපත්‍ය බලය සුරකිනවා. පැරදිලා, විනාශ වෙලා, රටේ දේශපාලනයෙන් අවසන් ගමන් යන අයට පරමාධිපත්‍යයේ බලයට බලපෑම් කරන්න අපි ඉඩ තියන්නේ නෑ”
ටී. බී. සරත් නියෝජ්‍ය අමාත්‍යවරයා මේ බව පැවසුවේ පෙරේදා (18) පැවති ජාතික ජන බලවේගයේ ජනහමුවක් අමතමිනි.
