2025 මාර්තු මාසයේදී කැබිනට් මණ්ඩලය තීරණය කළ පරිදි ආනයනය කළ පළමු පොල් කිරි තොගය මේ වන විට නිෂ්කාශන කටයුතු හා රසායනාගාර පරීක්ෂාව සඳහා යොමුකර ඇති බව වැවිලි සහ ප්‍රජා යටිතල පහසුකම් අමාත්‍යංශය පවසයි.
පොල් ගෙඩි මිලියන 200කට සමාන පරිමාවක පොල් ආශ්‍රිත නිෂ්පාදන වන ශිතකල පොල් මද, පොල් කිරි හෝ පිටි, කුරුට්ට සහිත කැබලි පොල් (කොප්පරා නොවන) ආනයනය සඳහා ක්‍රියාත්මක කරන වැඩසටහන යටතේ ගෙන්වන ලද පළමු තොගය ද වන බවයි අමාත්‍යාංශය පවසන්නේ.
මෙම තොගය විවෘත කිරිමේ අවස්ථාව හෙට (31) දින උදෑසන 9.00 ට RCT සංකීර්ණය, ඔරුගොඩවත්ත, ශ්‍රී ලංකා රේගු පරිශ්‍රයේදි සිදු කිරිමට නියමිත බවත් එම අමාත්‍යාංශය නිවේදනය කර ඇත.
එමෙන්ම, මෙම තොගය පොල් කිරි පිටි කර්මාන්තය සඳහා යොදාගැනිමට නියමිත බවත් මේ තුළින් කර්මාන්ත සඳහා අවශ්‍යය අමුද්‍රව්‍ය ලබා ගනිමින් දේශීය වෙළඳපොළ තුළ පොල් මිල පහත බසිනු ඇති බවත් වැවිලි සහ ප්‍රජා යටිතල පහසුකම් අමාත්‍යංශය වැඩිදුරටත් සඳහන් කර ඇත.
