වගා හානිකරන සතුන්ගේ සංගණනයේ වියදම් ගැන ප්‍රශ්න කරන විපක්ෂයේ මන්ත්‍රීවරුන්ව ඉදිරියේදී පැවැත්වෙන සූකරයින් සහ ගවයින් සංගණනයේදී එම සංඛ්‍යා දත්තවලට ඇතුළත් කිරීමට ආණ්ඩුව සූදානම් බව ජාතික ජන බලවේගයේ පාර්ලිමේන්තු මන්ත්‍රී රුවන් මාපලගම පවසයි.
“අපි දැක්කානෙ දයාසිරි ජයසේකර මහත්තයා, විවේචනය කරන්න එක මාධ්‍ය සාකච්ඡාවක් තියනවා, ඒක බොරු වුණාට පස්සෙ ඒක බොරු කියලා කියන්න තව මාධ්‍ය සාකච්ඡාවක් තියනවා. විපක්ෂයේ මන්ත්‍රීවරු තාම කතා කරනවා රිලවු කීයද, දඬු ලේන්නු කීයද, කොච්චර ඇල්ලුවාද, කොච්චර වියදම් කළාද කියලා. එයාලාට බොහොම ආදරයෙන් කියන්න කැමතියි තවම මේ නිවාස ආශ්‍රිතව ඉන්න වගාවන්ට හානි කරන සතුන් විතරයි ගණනය කළේ. තාම සූකරයන්, ගවයන් ගණනය කිරීම ආරම්භ කළේ නෑ. ඌරන්, ගවයන් ගණනය කරනකොට ඒ මන්ත්‍රීවරුන්වත් ගණනය කරන්නට අපි සූදානම්”
රුවන් මාපලගම මන්ත්‍රීවරයා මේ බව පැවසුවේ ඊයේ (06) අත්තනගල්ල ප්‍රදේශයේ නිවාස කිහිපයක් සඳහා මුල්ගල් තැබීම සඳහා පැවති උත්සවයකින් අනතුරුව මාධ්‍ය වෙත අදහස් දක්වමිනි.
