රෂිකා හෙන්නායක ජූනි 15, කොළඹ LNW :
අද (15) දින උතුරු ඉන්දියාවේ උත්තරාකන්ඩ් ප්රාන්තයේ කඳුකර ගෞරිකුන්ද් ප්රදේශයේදී නියමුවා ඇතුළු පුද්ගලයන් 07දෙනෙක් රැගත් හෙලිකොප්ටරයක් කඩා වැටී තිබේ.
උත්තරාකන්ඩි සිවිල් ගුවන් සේවා අධිකාරිය අනතුර සම්බන්ධව පවසා ඇත්තේ සිදුවීම ඉන්දීය වේලාවෙන් අද අලුයම 5.20ය සිදුව ඇති අතර අනතුරට පත්වන අවස්ථාවේදී යානය තුළ නියමුවා ඇතුළු පුද්ගලයින් 7 දෙනෙකු සිටි බවය.
මෙම හෙලිකොපටර් යානය ඩෙහ්රාඩුන් සිට ගුවන් ගත වී ඇති අතර අනතුරුව හිමාලයානු දේවාලය අසල ඉහළ උන්නතාංශ කලාපයක් වන ගෞරිකුන්ද් අසලදී ගුවන් ගමනාගමන පාලනය සමඟ සම්බන්ධතා නැති වී ඇති බවට වාර්තා වේ.
අනතුරින් ඔවුන් සියලු දෙනාම ජීවිතක්ෂයට පත්ව ඇතැයිද විදෙස් මාධ්ය වැඩිදුරටත් වාර්තා කරයි.
