කොළඹ LNW: යටින් ඩීල් දැමිල්ල ජනතා විමුක්ති පෙරමුණට එදා ඉඳන් පුරුදු දෙයක් වන හෙයින් ඩීල් දේශපාලනය අවසන් කිරීමට පැමිණි ජේවීපී එක NPP නමින් හොඳට ඩීල් දමන ආකාරය පෙනෙන්නට තිබෙන බව ශ්රී ලංකා පොදුජන පෙරමුණේ ජාතික සංවිධායක පාර්ලිමේන්තු මන්ත්රී නාමල් රාජපක්ෂ මහතා පවසයි.
පවතින මැතිවරණ ක්රමයට අනුව ඩිල් දැමීමට අවස්ථාව ලැබී ඇති හෙයින් ඔවුන් එය සිදුකරමින් සිටින බවයි මන්ත්රීවරයා සඳහන් කරන්නේ.
කොළඹ මහ නගර සභාවට අදාළවද රහස් ජන්දය තැබීම සම්බන්ධයෙන් ඇතිවූ ආන්දෝලනාත්මක තත්ත්වය ද සජීවීවම දැක ගැනීමට හැකි වූ බවද රාජපක්ෂ මහතා පවසයි.
පසුගිය දිනවල පිහිටුවපු සභාවල එවැනි තත්ත්වයන් දැකගැනීමට නොහැකි වූ නමුත් කොළඹ මහ නගර සභාවේ සජීව විකාශයක් ගිය හෙයින් එහිදී නිලධාරීන්ගේ හැසිරීමේ වෙනසක් දැකගැනීමට හැකි වූ බවයි ඔහු ප්රකාශ කරන්නේ.
නිලධාරීන්ගේ එම හැසිරීමේ වෙනසත් ඩීල් එකේ කොටසක්ද යන්න ප්රශ්නය පවතින බව රාජපක්ෂ මහතා තවදුරටත් පවසයි.
ආශිකා බ්රාහ්මණ
