මේ ආරම්භ වන වසර තුළ ශ්‍රී ලංකාවට ප්‍රශ්න ගණනාවකට මුහුණ දීමට සිදුවන අතර රටේ අනාගතය කවරාකාරද යන්න එහිදී තීරණය වනු ඇති බව එක්සත් ජාතික පක්ෂ නායක, පාර්ලිමේන්තු මන්ත්‍රී රනිල් වික්‍රමසිංහ මහතා පවසයි.
“මේ අවුරුද්ද තුළ ලංකාවට විශාල ප්‍රශ්න ගණනාවකට මුහුණ දෙන්නට සිදුවෙනවා. අපේ රටේ අනාගතය එතනදී තීරණය වෙයි. අපට ප්‍රශ්න ගණනාවකට ගෙදරදොරේ මුහුණ දෙන්නත් වෙනවා. ඒ නිසා පළමුවෙන්ම අපි සියලු දෙනාම ශක්තිමත්ව මේ වැඩකටයුත්ත කරමුයි කියලා තීරණය කරමු. මේ නිසා කඩාවැටෙන්නේ නැතුව අපි කොහොමද ඉදිරියට යන්නේ කියලා හිතලා බලමු. ලංකාවේ දේශපාලන, ආර්ථික ස්ථාවරභාවයක් ඇති කරලා ඊටපසුව අපේ ඉදිරි ගමන ආරම්භ කරන එකට අපි කැපවෙමු. ඒ අදහසින් මම ඔබ සියලු දෙනාටම සුබ අලුත් අවුරුද්දක් වේවා කියා ප්‍රාර්ථනා කරනවා”
රනිල් වික්‍රමසිංහ මහතා මේ බව පැවසුවේ ඊයේ (01) දිනයේදී ජනතාවට නව වසර වෙනුවෙන් සුබපැතුම් පණිවිඩයක් නිකුත් කරමිනි.
RN
