Starlink චන්ද්‍රිකා අන්තර්ජාල සේවාව සඳහා ශ්‍රී ලාංකිකයින්ට ප්‍රවේශය ලබාදීම සම්බන්ධයෙන් එහි නිර්මාතෘ, ලොව අංක එකේ කෝටිපති ව්‍යාපාරික එලෝන් මස්ක් මහතාට ස්තූතිය පිරිනමන බව හිටපු ජනාධිපති රනිල් වික්‍රමසිංහ මහතා පවසයි.
මෙය ශ්‍රී ලංකාවේ ඩිජිටල් පරිවර්තනයේ සුවිශේෂී පියවරක් වන අතර මෙරට ඩිජිටල් ක්ෂේත්‍රය වැඩිදියුණු කිරීම සඳහා ඇති තවත් අවස්ථා ගවේෂණය කිරීමට තමන් නුදුරේදීම එලෝන් මස්ක් මහතාව නැවත හමුවීමට බලාපොරොත්තු වන බවත් රනිල් වික්‍රමසිංහ මහතා සඳහන් කර ඇත.
රනිල් වික්‍රමසිංහ මහතා මේ බව පවසා ඇත්තේ සිය “X” ගිණුමේ සටහනක් තබමිනි.
