රෂිකා හෙන්නායක ජූලි 03, ලෝකය (අවුට්බවුන්ඩ් ටුඩේ):
පුද්ගලයින් 65 දෙනෙකු රැගත් මගී නෞකාවක් ඉන්දුනීසියානු බාලි දූපත අසල දී ගිලී යාමෙන් මේ වන විට සිව්දෙනෙකු මියගොස් 38 දෙනෙකු අතුරුදහන් වී ඇතැයි විදෙස් මාධ්‍ය වාර්තා කරයි. තවද,23 දෙනෙකු අනතුරින් දිවි ගලවා ගෙන ඇති බව වාර්තා වේ.
ඊයේ (02)දින නැගෙනහිර ජාවා හි බන්යුවන්ගි වරායෙන් බාලි බලා මෙම මගී නෞකාව පිටත්ව ගොස් ඇති අතර ගමන ආරම්භ කර පැය භාගයකට පමණ පසු නෞකාව පෙරළි ගිලී ගොස් ඇති බව විදෙස් මාධ්‍ය පෙන්වා දෙයි.
අනතුර සිදුවන අවස්ථාවේ මෙම මගී ප්‍රවාහන නෞකාවේ මගීන් 53 දෙනෙකු සහ කාර්ය මණ්ඩල සාමාජිකයින් 12 දෙනෙකු සිට ඇති අතර, එම නෞකාවේ ට්‍රක් රථ 14ක් ඇතුළු වාහන 22 ක් ද තිබී ඇති බව වාර්තා වේ.
මේ වන විට අතුරුදහන් වූවන් සොයා මෙහෙයුම් ක්‍රියාත්මක කර ඇති බව විදෙස් මාධ්‍ය පෙන්වා දෙයි.
