රෂිකා හෙන්නායක ජූලි 27, ලෝකය (අවුට්බවුන්ඩ් ටුඩේ):
තායිලන්ත – කාම්බෝජ ගැටුම් ආරම්භ වී අදට දින, 4 ක් සම්පූර්න වන අතර, ඒ හේතුවෙන් පුද්ගලයින් 33 දෙනෙකු මියගොස් තිබේ.
ඒ පිලිබඳ දෙරටේ නායකයින් සමග පැවැත්වූ දුරකතන සංවාදවලදී තායිලන්තය සහ කාම්බෝජය සටන් විරාමයක් සඳහා එකඟ වූ බව, අමෙරිකානු ජනාධිපති ඩොනල්ඩ් ට්‍රම්ප් පවසයි.
දෙරටේ නායකයින් නුදුරු දිනකදී හමුවීමටත් එහිදී එකඟතාවකට පැමිණ ඇති බව වාර්තා වන අතර, සටන් විරාමයකට එකඟ නොවුණහොත්, අතර සමග වෙළෙඳ ගිවිසුම් අත්හිටුවන බවට ද අමෙරිකානු ජනාධිපතිවරයා අනතුරු ඇඟවීම් නිකුත් කළ බව විදෙස් මාධ්‍ය වාර්තා කරයි.
ඊයේ (26) දින මේ අතර තායිලන්ත – කාම්බෝජ දේශසීමා ගැටුම් සම්බන්ධයෙන් එක්සත් ජාතීන්ගේ ආරක්ෂක මණ්ඩලය හදිසි රැස්වීමක් ද කැඳවා තිබුණු බව වාර්තා වේ.
