රෂිකා හෙන්නායක ජූලි 29, කොළඹ LNW :
සහන් සිසි කැළුම් හෙවත් සංවිධානාත්මක අපරාධකරුවෙකු වන වැලිගම සහන් කටුනායක බණ්ඩාරනායක ජාත්‍යන්තර ගුවන් තොටුපොළේදී අත්අඩංගුවට ගෙන තිබෙන බව වාර්තා වේ.
මොහු ඉන්දියාවෙන් මෙරටට පිටුවහල් කර ඇති අතර, ඒ අනුව කටුනායක බණ්ඩාරනායක ජාත්‍යන්තර ගුවන් තොටුපොලට පැමිණි අවස්ථාවේදී ගුවන් තොටුපොළ අපරාධ පරීක්ෂණ දෙපාර්තමේන්තු ඒකකය මගින් අත්අඩංගුවට ගත් බව සඳහන් වේ.
සැකකරු වැඩිදුර විමර්ශන සඳහා කළුතර අපරාධ කොට්ඨාසයට භාර දී තිබෙන අතර, මොහු පානදුර ප්‍රදේශයේ සහ කළුතර ප්‍රදේශයේ සිදුවූ වෙඩි තැබීමේ සිද්ධීන් දෙකකට මොහු සම්බන්ධ බව වාර්තා වේ.
තවද, මට්ටක්කුලියේ පත්තෑ සුරංග නැමැත්තාට වෙඩි තැබීමේ ප්‍රධාන සැකකරු වන්නේද මෙම වැලිගම සහන් නැමැත්තා බව පැවසේ.
මොහු කුලී ඝාතකයෙකු බවට වැඩිදුරටත් තොරතුරු වාර්තා වී ඇත .
