රෂිකා හෙන්නායක අගෝස්තු 02 කොළඹ LNW :
වර්තමානයේ මේ වනවිට අමෙරිකාව පැනවූ 20%ක නව තීරුබදු හමුවේ ශ්‍රී ලංකාවද සිය තීරු බදු ක්‍රමය වහා සංශෝධනය කරගත යුතු බව ආර්ථික විශ්ලේෂක ධනනාත් ප්‍රනාන්දු මහතා පවසයි.
ඔහු කියා සිටියේ රටේ තීරුබදු ක්‍රමය වෙනස් නොකිරීමෙන් අවසානයේ බලපෑමට ලක්වන්නේ ශ්‍රී ලාංකිකයින්ම බවයි.
ඔහු සඳහන් කළේ ශ්‍රී ලංකාව රටක් වශයෙන් පනවා ඇති අනවශ්‍ය බදු සම්බන්ධයෙන් අමෙරිකාවේද අවධානය යොමුව ඇති බවයි.
ආර්ථික විශ්ලේෂක ධනනාත් ප්‍රනාන්දු මහතා වැඩිදුරටත් පැවසුවේ, කෙසේවෙතත් අමෙරිකාව විසින් මීට පෙර පැනවූ සියයට 44ක බද්දට සාපේක්ෂව වර්තමානයේ සියයට 20ක බද්දක් පැනවීම සුබදායක බවයි.
මී අමතරව, රටේ ආර්ථිකය තවදුරටත් ශක්තිමත් කිරීම සඳහා අමාත්‍යවරුන් නිවැරදි තීන්දු තීරණ ගත යුතු බවත් ඇතැම් රාජ්‍ය නිලධාරීන් විසින් සිදු කරනු ලබන අඩුපාඩුකම් නිවැරදි කළ යුතු බවත් බව ලංකා වාහන ආනයනකරුවන්ගේ සංගමය පවසයි.
එම අඩුපාඩු නිවැරදි කර ආර්ථිකය ශක්තිමත් කිරීම සඳහා වෙළඳ ව්‍යාපාරික ප්‍රජාව මෙන්ම වෘත්තිකයන්ද එක් කර ගන්නා ලෙසට රජයෙන් ඉල්ලීමක් කරන බව, එහි සභාපති සම්පත් මිරෙන්චිගේ මහතා පැවසුවේය.
ඔහු වැඩිදුරටත් පැවසුවේ , එමෙන්ම අමෙරිකාව විසින් ශ්‍රී ලංකාවට පැනවූ තීරු බද්ද සියයට 20ක් දක්වා අඩු කිරීමට මැදිහත් වූ සියලු පාර්ශවවලට ස්තුතිය පුද කරන බවයි.
