රෂිකා හෙන්නායක අගෝස්තු 06, ලෝකය (අවුට්බවුන්ඩ් ටුඩේ):
එළැබෙන 2026 පෙබරවාරි මාසයේදී බංග්ලාදේශයේ මැතිවරණය පවත්වන බවට අද (06) දින නිල වශයෙන් ප්‍රකාශයට පත් කෙරුණ බව විදෙස් මාධ්‍ය වාර්තා කරයි.
බංග්ලාදේශයේ හිටපු අගමැතිනිය විරෝධතාවලින් බලයෙන් පහ කිරීමෙන් පසු එරට පැවැත්වෙන පළමු මැතිවරණය මෙයයි,
සති ගණනක් පැවති ශිෂ්‍ය විරෝධතාවලින් පසුව, හිටපු අගමැතිනි ෂෙයික් හසීනා පසුගිය වසරේ අගෝස්තු 05 වන දින ඉන්දියාවට පලා ගිය අතර, පසුව නොබෙල් ත්‍යාගලාභී මුහම්මද් යූනුස් එරට භාරකාර රජයේ ප්‍රධානියා ලෙස පත් කෙරුණි.
ඒ අනුව, 2026 පෙබරවාරි මාසයේ රාමසාන් උත්සවයට පෙර ඡන්දය පවත්වන ලෙස මැතිවරණ කොමිසමෙන් ඉල්ලා සිටින බව, මුහම්මද් යූනුස් පවසා ඇත.
