රෂිකා හෙන්නායක අගෝස්තු 06, ලෝකය (අවුට්බවුන්ඩ් ටුඩේ):
මොසැම්බික්හි උතුරු කාබෝ ඩෙල්ගාඩෝ පළාතේ නගරයක් වන චියුරේ හි මැටි ගඩොල් නිවස ඉදිරිපිට වාඩි වී සිටින ඉස්මයිල් සහ එස්ටෙබාඕ බිම බලා සිටින්නේ තවමත් ඔවුන්ව හොල්මන් කරන මතකයක් තුළ අතරමංවයි.
වයස අවුරුදු 13 සහ 10 අතර සහෝදරයන් දෙදෙනා නොවැම්බර් මාසයේදී පැහැර ගනු ලැබුවේ, මොසැම්බික්හි ISIL අනුබද්ධිත (ISM) සාමාජිකයින් විසිනි.
එය එරට අල්-ෂබාබ් ලෙස හැඳින්වුව නමුත් එම නමින්ම ඇති සෝමාලි සන්නද්ධ කණ්ඩායමට එහි කිසිදු සම්බන්ධයක් නොමැත.
“අපි සෙල්ලම් කරමින් හිටියා – වෙලාව හවස පහයි – එතකොට ආයුධ සන්නද්ධ පිරිසක් ගමට ඇවිත් අපි හැමෝම අල්ලගත්තා,” ඉස්මයිල් පරිවර්තකයෙකු හරහා පෘතුගීසි භාෂාවෙන් කතා කරමින් මුමුණයි. ඔහු අසලින්, එස්ටෙබාඕ නිහඬව තම සහෝදරයාගේ කතාවට සවන් දෙයි, ඔහුගේ දෑස්වල දුරස්ථ, හිස් බැල්මක් දක්නට ලැබේ.
පිරිමි ළමයින් අතරින් තවත් හතර දෙනෙකු එහිදී රැගෙන යන ලද බව පැවසෙන අතර, එය සන්නද්ධ සටන්කරුවන් විසින් ළමා පැහැරගැනීම් රැල්ලක එක් සිදුවීමක් පමණක් බවත්, එය කලාපය තුළ පුළුල් ලෙස පැතිරී ඇති බවත් අයිතිවාසිකම් පිළිබඳ ඇතැම් කණ්ඩායම් පවසයි.
මෑතකදී එවැනි පැහැරගැනීම් ඉහළ ගොස් ඇති බව හියුමන් රයිට්ස් වොච් (HRW) ජුනි මාසයේ වාර්තාවක සඳහන් කරමින් පවසන අතර, ජාතික සිවිල් සමාජ කණ්ඩායම් සහ එක්සත් ජාතීන්ගේ ළමා ඒජන්සිය (UNICEF) ද පවසන්නේ පැහැරගැනීම් වැඩි වෙමින් පවතින බවයි.
