කොළඹ LNW:”ළසෝ දියවෙන භූමිය” පරිවර්තිත කාව්‍ය සංග්‍රහය එළිදැක්වීම අද (12) කොළඹ ජාතික පුස්තකාල සහ ප්‍රලේඛන සේවා ශ්‍රවණාගාරයේදී සිදුවිය.
මේ වන විට කැනඩාවේ පදිංචිව සිටින රුද්‍රමූර්ති චේරන් මහතා විසින් රචිත කවිවලින් තෝරාගත් කවි එකතුව සංජුලා පීටර්ස් විසින් සිංහලට පරිවර්තනය කර තිබේ.
යුද්ධය හේතුවෙන් මෙරටින් කැනඩාව වෙත සංක්‍රමණය වූ රුද්‍රමූර්ති චේරන් මහතාගේ එම කවි ද යුද්ධය අලලා රචිත ඒවා වීම විශේෂත්වයයි.
මෙම පරිවර්තිත කාව්‍ය සංග්‍රහය එළිදැක්වීමේ අවස්ථාවේ ප්‍රධාන දේශනය ආචාර්ය කුමුදු කුසුම් කුමාර මහතා විසින් සිදුකරන ලද අතර රුද්‍රමූර්ති චේරන් මහතා සහ සංජුලා පීටර්ස් මහත්මියද අදහස් දක්වන ලදී.
කවි කියවීම ෆාතිමා රික්ස විසින් සිදු කළාය.
මෙම අවස්ථාවට කලාකරුවන් ඇතුළු සාහිත්‍ය රසකාමීන් එක්ව සිටියහ.
ජායාරූප – අජිත් සෙනෙවිරත්න
