රෂිකා හෙන්නායක අගෝස්තු 27 කොළඹ LNW:
ඊයේ(26) කොළඹදී , හිටපු ජනාධිපති රනිල් වික්රමසිංහ මහතාට සහාය පළකරමින් පැවති විරෝධතාවයේදී පොලිස් නිළධාරියෙකුට එල්ල වූ ප්රහාරය පිළිබඳ විශේෂ විමර්ශනයක් සිදු කෙරෙන බව වාර්තා වේ.
මෙම ප්රහාරය එල්ල වූයේ, පොදු දේපළ පනත යටතේ වන සිද්ධියකට අදාළව රිමාන්ඩ් බාරයට පත් කර සිටින හිටපු ජනාධිපති රනිල් වික්රමසිංහ මහතාට එරෙහි පැමිණිල්ල අධිකරණයේ විභාග කරන අවස්ථාව වන විට අධිකරණයට පිවිසෙන මාර්ග අවහිර වන අන්දමට විරෝධතාවයේ යෙදුනු පිරිස් පාලනයට යොදවා සිටි පොලිස් නිළධාරියෙකුටයි.
