සටහන – රුවන් නෙළුගොල්ල
පුද්ගලයකු පැහැරගෙන ගොස් අතුරුදන් කරවීම සම්බන්ධයෙන් අත්අඩංගුවට ගනු ලැබූ හිටපු නාවික හමුදාපති නිශාන්ත උළුගෙතැන්න සැප්තැම්බර් 10 වනදා දක්වා යළි රක්ෂිත බන්ධනාගාර ගතකර තිබේ.
ඒ, ඔහුව පොල්ගහවෙල මහෙස්ත්‍රාත් අධිකරණයට අද (අගෝස්තු 27) ඉදිරිපත් කිරීමෙන් අනතුරුව ය.
ඔහු නාවික හමුදා බුද්ධි අධ්‍යක්ෂවරයා ලෙස කටයුතු කළ සමයේ 2010 වසරේදී කෑගල්ල ප්‍රදේශයේ පදිංචිව සිටි ශාන්ත සමරවීර නමැති අයෙකු පැහැරගෙන ගොස් ත්‍රිකුණාමලය ගන්සයිඩ් කඳවුරේ නීතිවිරෝධී ලෙස රඳවා තබාගෙන සිටි සිද්ධියක් සම්බන්ධයෙන් ඔහුව පසුගිය ජුලි 28 වනදා අපරාධ පරීක්ෂණ දෙපාර්තමේන්තුව විසින් අත් අඩංගුවට ගෙන තිබිණි.
