රෂිකා හෙන්නායක අගෝස්තු 28, කොළඹ ;:
පවතින සුළං සහ පාරසරික හේතු මත මෙම දිනවල ප්රචලිතව පවතින සරුංගල් යැවීම නිසා සිදුවිය හැකි ගුවන් අනතුරු සම්බන්ධව ගුවන් හමුදාවෙන් අනතුරු ඇඟවීමක් නිකුත් කර තිබේ.
ගුවන් හමුදාව සඳහන් කරන්නේ, මේ අනුව ගුවන් ධාවන පථ ආසන්න ප්රදේශවල මෙම සරුංගල් යැවීම ඉතා අවදානම් සහගත කාරණක් බවයි
එමෙන්ම ලොව පුරා සිදුවන ගුවන් අනතුරුවලට ප්රධාන හේතුවක් ලෙස ගුවන් ධාවන පථ සමීප ප්රදේශවල සරුංගල් යැවීම සඳහන් කළ හැකි බව ඔවුන් ප්රකාශ කරති.
ගුවන් හමුදාව වැඩිදුරටත් සඳහන් කරන්නේ, ගුවන් යානා පියාසර කිරීම සඳහා සරුංගල් යැවීම සෘජුව බලපාන බාධකයක් සේම කටුනායක, රත්මලාන, හිඟුරක්ගොඩ, චීනවරාය, පලාලි, කටුකුරුන්ද, කොග්ගල, වව්නියා, වීරවිල සහ මත්තල වැනි ප්රදේශවල ඇති ගුවන් ධාවන පථ සමීපයේ බහුලව සරුංගල් යැවීම දැඩි අවධානම් සහගත කරුණක් බවයි.
