ගාලූ මුවදොර සහ අරලියගහ මන්දිරය ඉදිරිපිට පැවති සාමකාමී විරෝධතාවලට ප්‍රහාර එල්ල කිරීමේ සිද්ධියට අදාළ සැකකරුවෙකු ලෙස නම් කර සිටින හිටපු අමාත්‍ය ජොන්ස්ටන් ප්‍රනාන්දු කොටුව මහේස්ත්‍රාත් අධිකරණයට පැමිණ භාරවී තිබේ.
අද රාත්‍රී 08 ට පෙර අධිකරණයට භාරවෙන ලෙස අභියාචනාධිකරණය ඔහුට අද දහවල් නියෝග කළ අතර එතෙක් ඔහු අත්අඩංගුවට ගැනීමෙන් වළකින ලෙසයි අභියාචනාධිකරණය අපරාධ පරීක්ෂණ දෙපාර්තමේන්තුවට නියෝග කළේ.
තමන් අත්අඩංගුවට ගැනීම වැලැක්වීමේ නියෝගයක් නිකුත් කරන්නැයි ඉල්ලා හිටපු අමාත්‍යවරයා විසින් ගොණු කළ රිට් පෙත්සම අද (09) අභියාචනාධිකරණය හමුවේ සලකා බැලීම සිදුවිය.
මෙහිදී හිටපු අමාත්‍යවරයා විසින් ඉදිරිපත් කර තිබෙන රීට් පෙත්සම විභාගයට නොගෙන නිෂ්ප්‍රභ කරන්නැයි නීතිපතිවරයා අභියාචනාධිකරණයෙන් ඉල්ලීමක් කර තිබුණි.
ASK
