රෂිකා හෙන්නායක අගෝස්තු 30, කොළඹ LNW:
පසුගිය දා අනුරාධපුර දිස්ත්‍රික් හිටපු පාර්ලිමේන්තු මන්ත්‍රි උද්දික ප්‍රේමරත්න මහතා ගමන් ගත් මෝටර්රථයට වෙඩි තැබීමේ සිද්ධිය සම්බන්ධයෙන් සිදු කර ඇති විමර්ශනවලට අදාළව නීතිපති උපදෙස් කඩිනමින් ලබා ගැනීමට අවැසි පියවර ගන්නා ලෙස අනුරාධපුර අතිරේක මහේමස්ත්‍රාත් පී එච් ඩබ් ඩ් එල් සමරසිංහ මහත්මිය අපරාධ පරික්ෂණ දෙපාර්තමේන්තුවට නියෝග කර තිබෙන බව වාර්තා වේ.
සිද්ධියට අදාළ නඩුව අනුරාධපුර අතිරේක මහේස්ත්‍රාත් අධිකරණය හමුවේ යළි කැඳවූ අවස්ථාවේදී අතිරේක මහේස්ත්‍රාත්වරිය මෙම නියෝගය නිකුත් කළ අතර, මෙහිදි වැඩිදුර වාර්තාවක් ඉදිරිපත් කරමින් අපරාධ පරික්ෂණ දෙපාර්තමේන්තුව අධිකරණයට දැනුම් දුන්නේ මෙම සිද්ධිය සම්බන්ධයෙන් පවත්වා ඇති විමර්ශනවල උදෘත ඉකුත් පෙබරවාරි මස 17 දින නීතිපති උපදෙස් සඳහා නීිතිපතිවරයා වෙත යවා ඇති බවයි.
නමුත් ඊට අදාළ නීතිපති උපදෙස් මෙතෙක් ලැබී නැති බවද අපරාධ පරික්ෂණ දෙපාර්තමේන්තුව දැනුම් දී තිබෙන බවද වාර්තා වේ.
