රෂිකා හෙන්නායක සැප්තැම්බර් 01,කොළඹ LNW:
රක්ෂිත බන්ධනාගාරගත කර සිටින රාජිත සේනාරත්න සහ නිමල් ලංසාට නිවෙසින් ආහාර රැගෙන ඒමට කළ ඉල්ලීමකට අනුව , අවසර දුන් බව බන්ධනාගාර දෙපාර්තමේන්තු මාධ්‍ය ප්‍රකාශක ජගත් වීරසිංහ මහතා සඳහන් කළේය.
ලබන 9 වැනිදා දක්වා හිටපු අමාත්‍ය රාජිත සේනාරත්න මහතා, රක්ෂිත බන්ධනාගාරගත කර තිබෙන අතර, කිරින්ද ධීවර වරායේ වැලි කැණීමේ ව්‍යාපෘතියක් කොරියානු සමාගමකට ලබාදී රජයට රුපියල් කෝටි දෙකකට අධික පාඩුවක් කිරීම සම්බන්ධයෙන් ඔහුට චෝදනා එල්ල වී ඇත.
ලබන 12 වැනිදා දක්වා, නිමල් ලංසා මහතා බන්ධනාගාර ගත කර ඇති අතර, 2006 වසරේ පළාත් පාලන ඡන්දය පැවති කාලසීමාවේ එවක මීගමුව උප නගරාධිපතිවරයාගේ නිවසකට පහරදී අනර්ථය සිදුකිරීමේ චෝදනා යටතේ ඔහුට එරෙහිව නඩු ගොනු කර ඇත.
