සැබෑ ජනමතයක් තුළින් වසර පහක් තුළ සමගි ජන බලවේගය සහ සමගි ජන සන්ධානය මේ රට අනිවාර්යෙන්ම ගොඩනඟන බව විපක්ෂ නායක සජිත් ප්‍රේමදාස මහතා පවසයි.
ආණ්ඩුව අමු අමුවේ ජනමතය උල්ලංඝනය කොට ජනමතයට පයින් ගැසූ බවත් ජනතා ඉල්ලීම් පාවා දුන් බවත් පැවසූ විපක්ෂ නායකවරයා අසාර්ථක ආණ්ඩුව අද වන විට ඇඳුම් මාරු කරමින්, එක එක චරිත මාරු කරමින් බලය තහවුරු කර ගන්නට උත්සාහ කළත් එයින් මේ රට විනාශ වන ගමන නවතින්නේ නැති බවත් පෙන්වා දුන්නේය.
ඒ අනුව, නව ජනමතයක් තුළින් මේ රට ගොඩනැඟිය යුතු බව පැවසූ විපක්ෂ නායකවරයා පැලැස්තරවලින් රට ගොඩ නැගිය නොහැකි බවත් අවධාරණය කළේය.
විපක්ෂ නායක සජිත් ප්‍රේමදාස මහතා මේ බව ප්‍රකාශ කළේ පුවක්පිටිය පෙන්ද්‍රික් වතුයායේ ජනතාව වෙනුවෙන් පානීය නල ජල පද්ධතියක් ලබාදීමේ අවස්ථාවට ඊයේ (11) එක්වෙමිනි.
RN
